同期實習醫生：生活與世隔絕
【本報訊】實習醫生常被指工時長、非人生活難捱，去年十二月更有女實習醫生通宵當值時昏迷，曾觸發新紮醫生群起怒吼。昨日尋死的姓梁實習醫生，與他同期畢業的醫科生，也在網上狂呻在公立醫院實習，日做十多小時，行醫生活似與世隔絕，精神壓力爆燈。全民健康動力主席勞永樂亦認為，現今的實習醫生「難撈」。
勞解釋，他當年任實習醫生雖同樣辛苦，但可接受不同專科培訓，且只需考一次試，又可親自落手落腳去為病人診症實習。如今新入行醫生卻要通過多次考試，出路又較少。
有跟梁同期畢業的實習醫生在網上呻道：「突然自己喺度諗做咁多嘢為乜？見到身邊有啲人雖然唔係話搵好多錢，但至少有個安穩嘅生活，自己就算搵得再多，都彌補唔到生活上嘅損失，有少少同自己當初所諗嘅背道而馳……」