政情：廣播處長搵外語人士做？
自從前廣播處長黃華麒喺今年二月約滿突然決定唔續約後，香港電台一哥位置就懸空，獵頭同招聘工作雖然喺舊年十二月已經展開，但據講到家吓都冇進展。商務及經濟發展局方面話，總共收到二十六份申請，當中包括晒自行申請同埋獵頭公司交嚟嘅人選，家陣佢哋仲喺度處理緊。據講搵人難，搞到獵頭公司連唔識睇、唔識寫中文嘅外籍資深傳媒人都去問，對方當場就回絕「好意」。咁樣嘅處長候選人，會唔會太大整蠱呀﹖
問番曾經因為廣播處長需具大學學位一事、而備受關注嘅傳媒人周融，佢只係話：「冇關係啦，我都有申請過。」