SUN世代：花八個月製鱷魚皮西裝

從事設計二十年，Joel筆下作品無數，面對任何高難度作品都游刃有餘，但數年前一位上海客人的要求，卻差點考起他。難倒Joel的，不是甚麼高規格的晚禮服，亦不是要閃耀全場的派對服飾，而是一套看似簡單、卻大有學問的鱷魚皮西裝。

求教坊間師傅

「造鱷魚皮衫難度好高，因為所有嘢都一定要hand-made，打每一個窿、穿每一條線，都一定要全人手做。」由於無製造鱷魚皮衣服經驗，Joel不得不向坊間其他師傅求助。

縱有外援助陣，整個製造過程，由選料、設計至縫紉，仍花了八個月，材料及手工成本，更高達六位數字，兩方面都破了Joel造衫以來的紀錄。

造衫工程浩大，但Joel最終仍成功造出一件客人滿意、款式剪裁毫無差異的製成品。「其實咁耐以嚟，我造衫好少唔係一次過就成功。」言語之間，Joel不經意流露出一份屬於藝術家的自信。