Sun角度：團購剪Coupon慳多啲

「乜都加，買餸錢就得咁多！」家庭主婦紛紛出「煮」意慳錢，有選擇集體團購、有等食品特價時才大量掃貨、有等街市收市前商販減價才買餸，也有剪下優惠券（Coupon）「伺機入貨」，務求「慳多啲」。

等收檔前買餸

多名家庭主婦都表示，在早上街巿貨品較新鮮，但價格較貴；到黃昏五至六點，就會「平一啲」；到六點半後接近收檔時段，就會更加便宜。主婦鍾女士就是待街巿差不多「收檔」才買餸，「咁樣會平啲。」也有家庭主婦四處格價：「邊間平啲就會去邊間買，超巿特價嗰陣，仲會大手入貨！」也有主婦會到雜貨店入貨：「超巿貨品嘅價定好晒，去雜貨店會平好多，如果買多啲，仲可以同老闆講價。」

早前有家庭主婦為慳錢聯同其他太太團購食品及日用品，並在網站發起團購活動。

明愛牛頭角區中心基層家庭網絡支援及發展隊早年更開設「共同購買計劃」，為基層低收入人士團購米、罐頭等食材及日用品，負責人吳姑娘指集體訂購價格較平，該會每個月會向廠商訂貨一次，每次有逾二十個家庭訂貨，反應極佳。