政情：舒淇素顏逛超市顯童真
女星舒淇近年拍片忙，嚟緊下個月又有部新片《不再讓你孤單》上映，前日見佢喺中環ifc超市行街街，一向性感嘅佢，呢一日卻打扮簡潔，T恤、牛仔褲加長褸，配副粗框眼鏡，又將西瓜帽拉近眼眉位置，驟眼睇真係未必認得出。
舒淇喺超市左巡右巡，行到零食櫃前即雙眼發光，三扒兩撥就掃滿一車零食同飲品。排隊畀錢時，佢嘅閃令令銀包好搶眼，原來佢都鍾意冧爆萬千少女嘅Hello Kitty，呢個卡通公仔銀包上鑲滿Bling Bling閃石，可愛又奪目，性感女神原來都有童真一面！畀錢後，舒淇唔願做訪問，繼續佢嘅shopping行程。
畀完錢，舒淇（右）急急收埋個Hello Kitty銀包。
舒淇刻意戴帽同粗框眼鏡，免被人認出。