政情：孫光華夥專家傳授禮儀
在公關界打拚嘅孫光華百足咁多爪，曾自家設計半寶石首飾，最近又有新計劃，原來係夥拍一位法國禮儀專家喺香港開設禮儀課程，孫光華仲出任呢間公司嘅顧問，佢哋傳授嘅禮儀之道包括刀叉餐巾嘅運用、葡萄酒同奶酪禮節、進餐注意事項以至國際性握手禮儀等。
孫光華嘅拍檔Catherine Soulas-Baron係法國人，來港居住多年，曾到華盛頓學習禮儀，講到西方禮儀嘅源起，Catherine話：「早在路易十四時代，因為人們不懂愛惜草地，經常不聽勸喻胡亂踐踏草地，令他勃然大怒，終訂立法例，不准人們踐踏草地，而呢個法例可算是禮儀的開始。」
講到禮儀嘅重要性，Catherine認為懂禮儀會增加人嘅信心，無論喺職場同生意場都咁重要。
孫光華（左）同拍檔Catherine聯手推廣西方禮儀。