政情：袁振寧勇闖仙台視察
日本大地震後，本港旅行團一度暫停赴日，縱橫遊業務顧問袁振寧（圖）透露，現時旗下生意只得災前嘅一成，團費就減至災前嘅七成，五日行程只收四千幾蚊，生意雖然唔見咗九成咁多，但袁振寧仍然好樂觀，話好過冇得做，佢亦由今次災難學到危機處理。
袁振寧早前已勇闖重災區仙台，為生意夥伴打氣，又同當地觀光部門交流。佢話當地已有限度恢復正常生活，只係夜晚提早停止商業活動，以節省能源。同當地人接觸後，佢發現仙台居民好堅強，諗法好正面，報章電視廣告十之八九都係鼓勵大家站起來，唔似外界諗得咁悲觀喎。
俗語話有危就有機，相信袁爸爸交盤生意畀佢，都可以放心啦！
