政情：林家亨羽球公開賽奪季
恒豐證券研究部董事Simon林家亨（圖）喺證券界出咗名係「球癡」，佢早前就參加咗一個羽毛球公開比賽，經過七場激戰，由上晝打到下晝，終於打低六十二人，拎咗個季軍。
其實Simon為咗迎戰比賽，早喺兩個月前已經秘密練兵，跑步練氣之餘，又進行密集式練波，仲要節埋食添，你都咪話唔辛苦，可見佢真係好鬼鍾意打羽毛球，熱愛程度爆晒燈。
比賽當日，老婆Maggie一早起身做「跟得夫人」，陪足Simon全日打波，親身打氣之餘仲充當攝影師，幫老公拍下英姿，難怪Simon話：「雖然打得好攰，而且只拎到季軍，不過有老婆到場支持，仲開心過拎獎喇，不過都希望下次可以贏個金牌。」
恒豐證券研究部董事Simon林家亨