SUN世代：23歲做老闆創造公關傳奇

「對自己鍾意嘅工作充滿熱誠 ，自然做得好！」看似老生常談，但李鈺涵（Amy）就是本着這個信念，締造公關界傳奇。Amy畢業後任職投資大行，但性格嚮往自由的她，不喜歡工作諸多限制，毅然放棄高薪厚職，甘以一半薪金投身多姿多采的公關界。憑着熱誠魄力，入行短短兩個月，旋即成為獵頭公司目標，後來更以二十三歲之齡創立自己的公關公司，由只有一名員工擴展至現時在北京及上海亦擁有業務。

Amy於美國著名大學攻讀會計，畢業後獲聘於投資大行摩根大通，但在美國長大的她，性格愛自由，不喜歡工作諸多限制：「咁大間跨國公司，做咩都要跟規矩，例如每個presentation或者report都要跟足format，工作好似畀個框框限死！」而當時有朋友向她介紹公關工作，她了解後萌生興趣，於是決定放棄投行優差，轉投公關界。

抓緊機會展才能

當時未有經驗的Amy，任職公關公司的低級職位，薪金只得投行的一半，但她仍深感值得：「嗰時真係學到好多嘢！因為公司好細，得我同老闆，所以咩都要做，返工第二日已經要自己見客。而呢份工亦令我知道自己好適合做呢行，因為我好鍾意同人溝通，而且有市場觸覺同好多idea！」

Amy憑着滿腔熱誠，抓緊每個學習機會，顯露出過人才能，入行短短兩個月，已經成為各獵頭公司目標！她後來轉到一間IT公司出任高級公關經理，薪金職位幾級跳，更遇到創業機會：「當時科網爆破，公司炒晒我成個team，但我手頭上仲有幾個客，就以freelance形式繼續幫佢哋做，做咗三四個月，愈嚟愈多客搵我，於是我就覺得橫掂都有market，點解唔自己開間公司？」

o靚妹創業被睇小

於是在二○○○年，二十三歲的Amy創立了屬於自己的公關公司，即使成立公司翌日，有企業以五萬月薪聘請她出任地區公關主任，她仍不為所動，堅持自己的創業夢。年紀輕輕就當上老闆，當然困難重重，她憶述：「當時全部同事年紀都大過我；去見客好多都係成熟嘅男人，佢哋個樣好似覺得『你個口靚妹識啲咩』？」

不過，她未有放棄，反而更激發她的鬥心，憑加倍努力，事前做足準備工夫，更展露她的年輕幹勁、充沛活力，終令客人及員工刮目相看。當年初出茅廬的Amy，現時已有超過十載公關經驗，繼續憑着熱誠魄力，帶領公司邁向成功之路。

Amy's Profile

婚姻狀況：已婚，育有一子一女

學　　歷：美國Boston College會計學位

現　　職：AQ Communications執行董事

興　　趣：水上活動、滑雪