政情：九華連環出招拓財源
受部分校友以「閂水喉」停止捐款威脅，九龍華仁書院早前被迫撤回向教育局申請自願減班，事後校長陳岡都有向師生解釋呢件事。
為咗開拓財源，校方最近向校友組織華仁一家基金會申請約五百萬元撥款，以便喺新學年推行分科小班教學。校方又計劃同舊生會協商舉行籌款運動，支持校方落實小班教學。華仁一家基金會就話原則上同意撥款，但仍然要等校方提交詳細班級結構同財政預算報告，至可以落實撥款安排。
除向基金會申請小班撥款外，九華近日亦喺學校通告中提及，為增加學校財政資源，校方準備發起「無條件愛華仁」持續籌款運動，首項步行籌款暨音樂會將喺下月舉行。
