SUN角度：搞大學城只聞樓梯響

○九年《施政報告》提出發展教育產業，聲稱要強化香港成為區域教育樞紐，吸納各地精英，提升香港競爭力。但時至今日，所謂的「教育產業」全部只聞樓梯響，雷聲最大的，要算是去年底港深兩地政府，計劃在落馬洲河套區合作發展高等教育，將該區打造為「大學城」，但採用何種合作方式，至今仍未有定案。

另一較具睇頭的項目，就是教育局在○九年批出屯門黃金海岸一幅土地，予英國貴族學府哈羅學校（Harrow School）發展香港首間寄宿國際學校，預計明年招生，收生對象規定七成為亞洲學生、三成為非亞裔學生，學費連寄宿費每年約三十七萬港元。

恒生管理學院商學院院長蘇偉文批評，政府搞教育產業，可以用無聲無息來形容，「完全冇嘢睇，最多係叫各院校提交喺河套區發展嘅意見書，最有實質都係批咗英國哈羅來港開學校，學費係收到好貴呀，但啲錢全部流入人哋口袋，香港冇着數！」