SUN世代：父子情深教識70歲爸爸上網玩fb
促使陳龍盛努力搵錢的另一個強大推動力，是希望回饋父母對他的悉心栽培。「小學時阿媽知我鍾意音樂，就算屋企窮，佢都死慳死抵，儲錢畀我學電子琴。」父親在工廠做通宵更，「佢朝早七點幾收工，成日喺麥當勞嗌定早餐畀我食，但自己唔捨得食，又會同我傾一陣偈，真係好偉大。」
Eddy自小接觸電腦，在他的循循善誘之下，七十歲的父親「識用facebook、收發電郵，上網睇電視、check股價，好開心。」父母現時不用工作，經常結伴一齊游水、跳舞，生活無憂。他繼續保持其一貫的笑容，一邊說：「好多人退休都會好徬徨，驚無錢使；我有責任令父母退休之後好開心咁生活，唔使為錢而擔心。」