政情：湯盈盈堂兄博愛新主席
歌壇有隊組合叫糖兄妹，而喺博愛就有對真嘅堂兄妹喎！湯盈盈前晚盛裝出席「博愛醫院」就職典禮舉行嘅晚宴，佢表現得開心，仲猛話自己好勁，佢話：「我做咗醫院嘅『博愛之星』，新主席係我堂阿哥（湯修齊）。」呢對堂兄妹拍住幫博愛，應該更加得心應手。
盈盈同錢嘉樂係公認嘅一對，女方雖然唔肯承認，但係一提起男方，馬上笑容湧現。近日人人都話閃電結婚，問盈盈會唔會心血來潮效法？盈盈話：「唔得，結婚唔止係兩個人嘅事，仲係兩個家庭嘅事，一定要有計劃，絕對唔會閃電。」
唔講唔知，原來湯盈盈嘅堂兄就係博愛新主席湯修齊。
