服務日日退步 fb發起罷搭

【本報訊】港人陸路主要交通工具九巴及龍運巴士下月中加價，市民生活壓力再增，大批網民昨在網上瘋狂「鬧爆」，批評巴士公司服務欠佳、經常脫班，在服務沒有改善下卻向乘客開刀。有人更在社交網站facebook上發起「反九聯盟」，抗議九巴加價。另外，一批殘疾人士昨趁「商界展關懷」頒獎禮舉行踩場，抗議多間巴士公司包括九巴，無履行社會責任，一直拒絕為殘疾人士提供半價優惠，遑論獲嘉許，並直斥九巴及龍運巴士加價，行為可恥。

組織「反九聯盟」

網民「Alex Cheng」將宣傳口號「九巴服務，日日進步」惡搞成「日日退步」，批評加價「只係益咗班高層」。網民「屍進」則對可加可減調價機制非常失望，「不如改名可加不減機制喇，經濟差嗰陣，凍結車資就當減咗，比嗰少少優惠又當減咗，仲講到自己好大犧牲，都唔知可減機制係減啲咩，垃圾政府」。

有人則在facebook上發起「反九聯盟」，抗議九巴加價，並把九巴的標誌由紅色改為黑色。網民Wilson Pang更呼籲市民罷搭九巴，批評其「錢就識收，服務就差到貼地」。