政情：馬雲長揸華銳鑄鋼勁賺？
阿里巴巴雖然只喺香港上市，但公司主席馬雲（圖）仍然係內地響噹噹嘅人物，一舉一動都深受關注。最近深圳有隻叫華銳鑄鋼嘅A股，因為宣布資產重組而連續三日漲停板，大家八吓間公司有乜股東時，居然見到「馬云」。佢揸咗華銳超過一年，帳面仲賺五百五十萬人仔。
唔係個個華銳嘅股東都咁有耐性，好似「馬云」揸呢隻A股超過一年，計番上嚟，中間大跌過百分之三十六，帳面縮水四百萬人仔。依家華銳公布資產重組方案，股價「無量升停」，好多股東半路落車，錯過大升浪，賺少好多，梗係揼心。
潛伏咗成年都未被人察覺嘅「馬云」，家吓帳面大翻身，果然有「食力」。老實講，除非馬雲自己認，否則大家都只係估估吓，畢竟內地同名同姓者有幾萬幾千。
馬雲