九巴家族後人雷兆光同太太雷林靜怡好恩愛，日前兩人出席一個活動時，太太卻忽然爆句兩個人唔夾，因為「老公鍾意高科技嘅嘢，我就低科技」。
佢哋前晚出席卡地亞《Women of Style》嘅晚宴，仲欣賞模特兒演繹高級珠寶系列。雷兆光話自己翌日生日，想收乜嘢生日禮物？雷兆光話，自己已有部iPhone，但都想收部Android手機，至於仔女送乜畀佢好，佢就話：「其實我最鍾意仔女寫嘢畀我，呢份心意係買唔到，最細嗰個小朋友畫畫最靚！」
雷兆光同太太執到正參加晚宴，雷林靜怡一襲斜肩晚禮服，性感又搶鏡。
