霍家長孫霍啟剛係英國牛津大學高材生，英國兩大學府牛津、劍橋校內都有划艇隊，啟剛日前就喺微博上載咗香港牛津劍橋同學會嘅划艇比賽嘅相，仲好搞鬼咁寫咗幾句，平日瞓身搞體育嘅啟剛，今次竟然做咗塘邊鶴添。
啟剛喺微博上載咗張同學比賽嘅相，仲取笑啲同學着制服參加划艇，佢話：「他們肯定熱壞了，哈哈！還是做啦啦隊好！」似乎啟剛當日只係做啦啦隊，所以得閒到可以喺岸邊用手機影相。