「龍傳基金」慈善高球賽籌款活動尋日喺深圳觀瀾湖舉行，政商界名人爭相捧場，金利來太子爺曾智明嘅太太黎瑞恩都有出席，小恩子同老公都係波友，小恩子尋日落場顯身手，估唔到球技精湛，勁過唔少猛男。
最好嘢嘅係佢嘅應變力，事關打波時，佢一度將波打入樹林，但佢一啲都冇停手，三扒兩撥就搵番個波，一球打番出嚟，執生補鑊。亦有落場嘅仲有歌星林子祥同區瑞強，阿LAM波齡有三十幾年，九七年打過一次一桿入洞，家吓諗起都興奮。
阿LAM有三十年波齡，仲試過一桿入洞。
黎瑞恩打波多年，誤將高球打入樹林都無有怕。
