政情：年報爆四叔加薪18%
四叔李兆基近期動作多多，不斷增持恒地，坐享以億計嘅股息外，最新一份年報仲披露，佢同兩個仔都加人工呀，真係恨死人喇！
據年報顯示，四叔舊年嘅總酬金加咗240萬，總額去到1,525萬，加幅達到18%；至於佢嘅兩個乖仔李家傑同李家誠，就比起○九年多咗4%左右，總酬金分別係1,541.1萬同1,321.7萬，而四叔女婿李寧，則只係加咗2%。
恒基系人工最高嘅依然係恒地副主席林高演，佢舊年嘅總酬金同○九年比較，只係加得萬幾蚊，總數係3,651.5萬，其中花紅部分就比○九年少咗21.6萬。
