政情：陳嘉上批死港片沒落
香港政府做乜都一陣風，早幾年一度好重視電影業，仲搵咗班電影界人士度橋、但係對業界有乜幫助就睇唔到，電影發展局委員、著名導演陳嘉上日前接受內地一個網絡採訪時，就講到香港電影業嘅發展，佢話面對內地大市場，港片無可避免會沒落。
唔好以為佢灰心，佢所講嘅只係狹隘定義嘅港片啫，陳嘉上話，依家電影業市場好大，一個作品要面向觀眾，香港只得六百多萬人，但內地就有成十幾億人，所以電影界亦冇可能只係拍純香港意念嘅電影畀港人睇，言下之意係大市場製作係必須嘅。
佢仲話，內地電影市場有一百億元，面對荷里活嘅競爭，香港電影業嘅耕耘係應該嘅，否則不但香港電影冇咗，連內地電影業都會冇。
陳嘉上