政情：恒生銀行奪三公關大獎
投資者like唔like一隻股票，好睇間上市公司嘅透明度，以及同投資者溝通夠唔夠，公共關係於是變成重要一環。恒生銀行尋日就喺香港公共關係專業人員協會舉辦嘅首屆「香港公共關係獎」中，攞咗三個重要獎項。
恒生銀行助理總經理Walter張樹槐攞到「卓越公關專業人員大獎」，該行則憑「恒生．珠三角環保大獎」項目奪得「最佳創意獎」同「企業社會責任組別—優異獎」。
Walter話恒生同香港工業總會喺○七年推出「恒生．珠三角環保大獎」，旨在對製造業推動環保成果作出嘉許，同埋鼓勵企業持續提升環保表現。「香港公共關係獎」籌委會主席陳祖澤負責頒獎，仲話Walter攞「卓越公關專業人員大獎」，係對佢工作嘅肯定。
陳祖澤（左）頒獎畀張樹槐，對佢嘅工作作出肯定。