政情：肥亨讚蔡瑩璧fit到漏油
究竟邊個會接住Rita劉吳惠蘭出任商務及經濟發展局局長？尋日見到Rita嘅上手馬時亨，問起對盛傳退咗休嘅商務局常秘Yvonne蔡瑩璧可能接任局長有乜睇法，佢首先自爆喺早個禮拜三，至同Yvonne與一班商界朋友食飯敍舊，仲形容Yvonne面色同精神都fit到漏油添！
肥亨之後大讚Yvonne有魄力，又指佢同商界嘅關係同網絡都好好，絕對有能力做呢個位，但最後仍要睇佢自己嘅決定。講到短暫做過佢下屬嘅副局長蘇錦樑，佢話向來冇明文規定局長辭職，副局長就一定可以接上，又話相信特首會作出「明智嘅決定」喎！
咁啱，Yvonne喺下晝突現身一個時裝展，係Rita辭職後首次出席公開活動。追問有冇人搵佢做局長？佢就用招牌笑容回答：「哈哈哈，唔好講呢啲嘢啦。」
蔡瑩璧（左）係咪會做局長，連婦協主席林貝聿嘉（右）都好想知。