政情：搞搞政：富貴黨幫苦主老闆消氣
過多二十日，香港首個法定最低工資二十八蚊就會正式落實，但有關執行細節近排惹嚟好大爭拗，例如飯鐘錢同休息日有冇薪，令僱主同打工仔嘅關係好似壓力煲咁就嚟谷爆。一向對最低工資都有所保留嘅富貴黨，竟然喺嚟緊嘅禮拜日搞個吐苦水大會，話畀班苦主盡情宣洩不滿，消吓怨氣同戾氣，亦希望僱傭雙方尋求共識喎。
富貴黨一向以代表商界自居，但自從佢哋決心「地區化」同放下身段參加直選之後，喺好多議題上面都唔再敢好似以前咁只着重商界利益，今次呢個最低工資苦水會，開宗明義係畀最低工資嘅苦主參加，雖然明眼人都睇到係特登搞畀商界嘅，但富貴黨都唔敢唔畀僱員參加，仲喺廣告上面講明歡迎僱員出席添。
設計圖片
