政情：花旗總裁老人院串珠仔
尋日係花旗搞嘅「花旗集團大學生社責實踐2010-11」開動禮，聽聞有約二百名嚟自本地八間大學嘅工商管理學生申請，揀中咗七十個，喺今個月開始安排到非牟利服務機構實習，為期四個月。
花旗香港區資本市場及企業銀行業務總裁Alvin麥永森解釋，企業除咗出錢出力去幫啲弱勢社群，仲要去培育下一代了解社會問題。唔知Alvin有冇義工幫吓啲弱勢社群？佢就好謙咁話自己做義工仲係新人，但都有去過老人院、幼兒院同執垃圾，但最記得舊年去老人院，同啲老婆婆一齊串珠仔，整個好靚嘅擺設，佢哋仲送咗畀佢留念，依家就擺咗喺Office日日對住添!
麥永森自稱係義工新仔，曾去過老人院、幼兒院同執垃圾。