政情：加敏掃70罐日本奶粉
前晚喺保良局董事會交接就職晚宴見到「玩具大王」蔡志明太太蔡李惠莉同阿仔蔡加讚，問到身為總理嘅蔡太會否踢仔仔入局？佢話仔仔好多公職在身。當記者笑言係咪忙於拍拖至真，佢就玩大踢爆：「佢（加讚）忙做嘢多過拍拖，我都叫佢多啲拍拖。」
跟住見到蔡加敏同老公馬鴻銘到場，問到會唔會為孖仔擺百日宴時，兩公婆都話未決定，應該會五月或者六月，但邊度擺都未定。蔡加敏仲話孖仔依家兩個月大，大孖已十一磅、細孖就得九磅。佢又話孖仔飲日本奶粉，亦唔擔心奶粉受污染，佢仲話：「我哋入咗七十幾罐貨，應該飲到九個月大，然後就可以轉奶粉呀！」
蔡李惠莉踢爆加讚忙做嘢多過拍拖。
加敏話孖仔係飲日本奶粉。