預算案第二日辯論議員精句
自由黨方剛
諮詢做咗幾個月都冇接受政黨、商會及市民意見，但不到一周就推出之前話冇考慮過嘅決定嚟撲火，呢個係非常倉促嘅行為。
自由黨張宇人
加煙稅根本冇用（減少煙民），但周一嶽貪勝不知輸，堅持加煙稅，功勞歸自己，但就害苦煙民同基層市民。
公民黨陳淑莊
面對怨氣淨係識得派錢，好似索K咁，減一減，但唔針對根源，仲衰過頭痛醫頭，腳痛醫腳……今次係頭痛醫腳！
民主黨李永達
曾俊華打爛咗香港幾十年財政司司長嘅神主牌……市民都想知你個諮詢係咪真、係咪有用，你宣布嘅嘢短期內會唔會改番轉頭。
專業會議石禮謙
預算案似一個聖誕布丁，材料乜都有啲，但做得唔夠精緻。
勞聯李鳳英
呢個分上下集嘅預算案，猶如由兩個信奉不同經濟學理論嘅司長各演半場，有不少前言不對後語，今日的我打倒昨日的我。
自由黨方剛
自由黨張宇人
財政司司長曾俊華