分孖辮之謎：小甜甜頭痛復發剪辮

【本報訊】原審時爆出陳振聰一直收藏龔如心的招牌孖辮，令全港市民嘩然，更有指陳處心積慮將有關「信物」保存等待「用武之日」，行為惡心。陳振聰輕描淡寫地說，剪辮是他的主意，但收起孖辮是龔如心的意思。他說，由於小甜甜希望外貌看起來較年輕，所以早年喜梳孖辮，「我話梳條辮會唔會細個得滯呀？不過你鍾意個人風格都得，當時我都係半同意，好擔心會唔會有啲人話唔好睇。」他說，小甜甜不會理會別人看法，後來甩髮嚴重，加上頭髮長期束起令她頭痛復發，才決定將辮子剪掉。「當時同電影《風雲》有關，我睇完嗰齣戲，見風雲郭富城染個藍色頭髮幾型，同佢講咁整都幾型喎。」小甜甜就聽他的話親手把辮剪掉，再將頭髮剪短染藍，陳當時還笑說：「剪咗條辮成熟啲咪好囉！你係大公司老闆，唔可以彈吓彈吓咁㗎！」他說。當時龔如心提議將孖辮平分「一人一條」，「我收喺書房，佢過咗身我先擺入盒度。本來想如果知道佢擺喺邊度，去拜佢時畀番條辮佢啦，但係到依家都無機會。」