日本九級大地震後，香港演藝界發起咗籌款活動，公司有經營化妝品嘅陳小寶尋日透露，今次災情嚴重，自己唔止捐錢、亦有捐物資，旗下喺日本嘅兩間公司，亦有發動協助災民嘅活動。
好多人都驚日本化妝品受到輻射污染，陳小寶話佢哋嘅廠房遠離災區，唔會受影響。
不過，地震之後，日本電力供應短缺，加上所有出口產品均需接受輻射檢測，所以令到貨品出口、物流速度減慢，至於公司交流亦無受影響：「上個月同今個月日本公司都有人嚟香港，八月就到我哋去日本，無受任何影響。」
日本大地震後又面臨核危機，陳小寶捐錢、捐物資出一分力。
