微博、網誌已成不少都市人嘅社交平台，賭王同四太嘅千金超欣近排畀人冒名開微博，問到四太知唔知件事，佢坦言唔知道，仲話自己保守、追唔上潮流，冇玩微博。
四太唔使咁謙嘅，玩微博同潮流冇乜關係，只係年輕一代好鍾意嘅溝通平台，藉此同相熟朋友八吓卦、傾兩嘴。咁四太會唔會叫個超欣少啲上網呢？四太好開明咁話：「唔會，小朋友好流行，最緊要以學業為重。」
四太一身青春look出席活動。
超欣近排畀人冒名開微博，四太坦言唔知情。 （資料圖片）
