預算案首日辯論議員精彩發言

行政會議成員劉皇發 注資強積金方案係「先機既失，攻守逆轉」。財政司司長派錢派出咁大風波，實屬匪夷所思。

民建聯李慧琼 預算案缺乏長遠措施就年年都有，但今次引起民怨咁大反彈，好明顯係因為注資六千蚊落強積金係錯估形勢。

工聯會葉偉明 成份預算案好似呢度灑啲鹽，嗰度灑啲糖咁，個個都有少少，但到喉唔到肺，派糖都派得唔夠甜！

自由黨劉健儀 可能你係偏聽，或者直情唔聽，搞到派錢都派出大頭佛。

民主黨張文光 話派六千蚊係藏富於民，但係懶惰無能，但求財散人安樂。

民主黨何俊仁 既然政府有條件派現金，點解唔增加經常性開支改善醫療及教育等問題？咁嘅做法令人非常失望及憤怒，脫離社會期望，令人對佢失信心。

社福界張國柱 我至今都唔明點解陳家強會話注資強積金同派錢係同出一轍，根本就係南轅北轍，但同樣係未經深思熟慮囉。