CityParade：海歸派團結Power Up！
團結是力量！喺內地成長、放洋留學嘅「海歸派」，日前組成香港華菁會，政商界名人二代紛入會，可謂粒粒巨星。華菁會將搭建橋樑，啟動「神州搵好工」計劃，為香港青年發掘更多筍工。而富二代近年積極參與社會事務，由城中精英及才俊組成嘅百仁基金，早前喺元朗舉行百仁盆菜宴，與二百多名青年聚餐，分享逆境自強之道。這邊才俊晒冷，那邊靚車當前，城中名人車迷爭相先睹為快。
兄弟姊妹排排企合照
百仁兄弟姊妹打成一片。左起洪為民、莊家蕙、郭瑛瑛及王文博。
許明明注入新力量
已故富商張祝珊後人許明明（右）同紀惠集團副主席廖偉麟（左）都係百仁生力軍。
施榮忻親子嘗盆菜
百仁基金主席施榮忻（左）拉埋囡囡Victoria（中）及創會主席李家傑（右），齊品嘗圍村風味盆菜。
李依琳情迷辣跑
「扒王之王」太子女李依琳喜歡具速度感辣車。
王敏德魅力不凡
王敏德大讚新車充滿動感，好想訂番架威吓。
兩位主席同姓三分親
海洋公園保育基金主席陳晴（右）同青年事務委員會主席陳振彬（左）同姓三分親，分外投契。
張雅麗艷麗登場
東華三院主席梁定宇太太張雅麗（右）與身旁的董喆，可謂艷壓群芳。
黃友嘉同聲同氣
廠商會會長黃友嘉留學美國多年，與華菁會一班「海歸派」可謂同聲同氣。
體操王子有辦你睇
「體操王子」李寧擔任華菁會名譽主席，由佢做才俊榜樣，實屬不二之選。
方文雄畀面派對
福布斯富豪方潤華公子方文雄都賞面撐場。