日本核輻射危機未除，大家樂太子女陳浩寧尋日出席化妝品牌分享會時，透露自己係日本化妝品擁躉，問到驚唔驚核輻射影響呢隻化妝品嘅質素時，佢話：「唔擔心，入得香港都唔會有問題，而且個廠房唔係喺災區。（日本食物呢？）入得香港就得，當局都話要食好多先等於照一次X光。」
不過，佢都透露有日本朋友為避輻射而來港暫住。城中唔少名媛相繼傳婚訊，陳浩寧又點呢？佢笑言未有結婚計劃：「大家都好忙，做到冇氣抖，不過我哋有共識，呢啲嘢自自然然就會發生。」
陳浩寧唔驚日本核輻射危機，照用日本化妝品。
