政情：中國商界領袖多IT人
內地經濟起飛，躋身世界嘅企業愈來愈多，唔少巨企嘅話事人喺商界嘅影響力更與日俱增。財富雜誌中文版舉行嘅二○一一年中國最具影響力的商界領袖評選，榜上有唔少香港人認識嘅名字，譬如工商銀行董事長姜建清就名列第五、騰訊嘅CEO馬化騰都喺榜上排名第八，另一IT人馬雲就排名十二。
呢個商界領袖榜亦反映咗產業嘅變化，資訊科技熱爆全球，中國十大商界領袖中，就有三個從事資訊科技業，包括排首位嘅華為技術有限公司CEO任正非、第二位嘅聯想控股董事長柳傅志，再加埋馬化騰。其他具影響力嘅產業仲有電器、地產及能源、食品等。
不過，內地傳媒就關注，呢個排名榜上，舊年名列十三嘅中國移動董事長王建宙今年竟然冇入選。
馬雲
馬化騰