繼參演《窮富翁大作戰》掃街瞓籠屋後，新民黨副主席田北辰尋日又有新搞作，趁住兒童節同復活節將近，扮到成隻兔仔咁去元朗元崗村幼稚園探小朋友。
二少話好鍾意小朋友，但平日工作太忙實在冇時間，自己又唔似阿哥富貴黨榮譽主席田北俊咁可以含飴弄孫，所以今次真係玩到唔捨得走。眾所周知，二少有意出戰立法會新界西直選，但佢強調喺元朗未有辦事處，所以今次同選舉係兩回事，希望大家唔好拉埋嚟講喎！
田二少扮兔仔探幼稚園學生，氹到班小朋友好開心。 （田北辰提供）
