政情：徐立之睇《色，戒》學國情
港大校長徐立之尋日出席由港大同香港青年協會主辦嘅青年領袖教室開幕禮，同現場近四百位中學生分享對開拓中國未來嘅意見。主持問台上嘉賓，有邊齣戲可以令人了解今日中國，科學家出身嘅徐校長即刻投降話自己平時好少睇戲，近年喺香港，基本上只係睇咗兩套戲，就係《色，戒》同《唐山大地震》，同學仔一聽到《色，戒》，不約而同笑起上嚟。
徐校長即時補飛，解釋因為佢太鍾意分析，加上記性唔好，每次都要睇番轉頭先了解上回講緊乜嘢，所以除咗電影外，連武俠小說佢都冇法子好似一般人咁由頭追到尾，基本上連一本武俠小說都睇唔完，之後嘅更加睇唔到落去。科學家原來有咁嘅特質，真係唔講唔知！
徐立之及恒生一姐梁高美懿同中學生分享對開拓中國未來嘅意見。