分店貨架空空「雞蛋都話賣晒」

【本報訊】裕記近年遇上困難，店舖出售的貨品種類，明顯不如以往的琳琅滿目，有分店甚至出現架上缺貨的情況。昨日有店員表示，很多貨品供應商要求以現金繳付才能取貨，因此很多貨都無法及時補足，「好多貨架都空咗」，有熟客指常買不到心頭好。

記者昨到裕記位於荃灣楊屋道的分店觀察，見店內有售梅菜乾、罐頭、淮山等雜貨，亦有蔬果等等，另有肉檔賣豬肉，但有熟客指以前的貨品種類更豐富。常光顧該店的周女士稱：「我以前成日嚟幫襯，最近真係少咗貨，試過一次想買雞蛋，竟然話賣晒，冇晒貨！」顧客陳小姐則稱：「我已經少咗嚟買嘢，依家多數買蔬果，覺得新鮮，價錢又平，其他貨選擇唔多，冇買！」顧客李女士更直言：「呢度貨品少，我都只係買生果，其他貨品我寧願去大型超巿買。」任職茶餐廳買手的陳先生指出：「裕記以前勝在平，乜都有，最近唔知點解，覺得貨品少咗好多，有好多貨想買都冇。」