SUN角度：駛出場外 傷亡無得賠

該跳蚤市場屬港鐵管理，如有兒童租玩小型電動車發生傷亡意外，責任誰屬？法律界人士黃國桐指出，傷者若提出索償，攤檔檔主肯定負最大責任，其次就是港鐵。不過，若意外發生於公眾行人路，則傷者本身可能要自負責任而不獲賠償。

港鐵應提醒租戶買保險

黃國桐稱，跳蚤市場屬港鐵土地，港鐵應已購買第三者保險，至於承租的租戶，如從事這類出租電動車的生意，自己也應該購買保險。「個跳蚤市場運作咗咁耐，港鐵冇理由唔知個租戶做乜生意，佢明知有一定危險性，好應該提醒租戶要買保險。」他續稱，若檔主本身沒有購買保險，即使傷者向檔主索償，最終亦可能「冇得賠」：「講真，個檔主本身冇乜資產，點賠畀你！」

不過，若傷者並非在場內受傷，而是駕車到行人路時發生意外，則港鐵可能不用賠償。「唯一爭拗係點解港鐵唔用圍欄圍住個場，等啲車唔可以駛出場外，但駕駛者本身要負嘅責任更大，因為冇人叫你揸出去行人路、馬路邊，最終獲賠機會不大。」