政情：郭樹清讚建行員工忠誠
建行派完成績表後，令人關注嘅係會唔會好似中國銀行咁，即係銀行業績年年升，管理層年年減人工。建行董事長郭樹清話建行企業文化好好，歸屬感同效忠度好高，所以一眾管理層連續三年都減人工，但係一個都冇走。
不過，郭總始終都話薪酬同花紅係一個好複雜嘅問題，畀得多就惹人質疑，畀得少就人才流失。至於建行一眾管理層收幾多，佢話要等下次開完董事會先會披露，即係下個月就揭曉。
郭總尋日嚟咗香港見傳媒，唔知係咪心情好，猛讚香港傳媒寫業績好叻，唔單止睇財務報表時，詳盡報道佢哋嘅數據，連財務報表冇嘅數都自己計埋。佢又讚傳媒揀相都好一流，出佢嘅相張張都好好睇，好謙咁話自己實情冇咁靚仔。即係話，佢尋日已經睇晒所有關於建行業績嘅報道啦！
郭樹清讚傳媒揀相一流，出佢嘅相張張都好好睇，好謙咁話自己實情冇咁靚仔。