SUN世代：網購勿貪平 信譽最緊要

Danny身為團購網站的「阿頭」，原來自己本身都愛網上shopping。人人網上購物，不外乎想搵「夠抵」、「夠筍」的正貨，但他向大家教路，網購勿一味貪平，最緊要幫襯有credibility（信譽）的網站才最實際。

好公司可以退錢

Danny分分秒秒掛住做生意，就連提起他的興趣，都說「同工作有關」，因為工作太忙，他日常都是透過互聯網購物：「鍾意上網買衫或者買電子產品。」他消費亦相當精明：「都會格吓價，搵個最平嘅網去買，不過又唔可以淨係貪平，因為有時見到啲嘢好平，但都唔知嗰間係咩公司，所以最重要係睇網站嘅credibility，有啲公司好好，甚至可以畀你退番錢。」

現時自己亦設立團購網，Danny不忘賣花讚花香：「我依家日日都幫襯自己公司買嘢，買衫、食嘢，做facial都有。」

除了分享網購心得，Danny亦不吝嗇分享創業的成功之道，近期接連到大學和一些大公司，分享創業的點點滴滴，傳授創業秘笈。