政情：富力老細歡迎媒體監督

前排見到內地媒體係咁報道富力地產旗下嘅樓盤質量有問題，又話以垃圾填天花板，又話外牆變形、滲水等，尋日富力老細李思廉嚟到香港為業績解畫，當然要問吓咩事啦。

李思廉話，其實質量問題每間公司都梗有啲㗎喇，特別係富力一年嘅交樓面積達到二百幾萬平方米，施工隊入面間唔中有啲質素差嘅人都唔奇，而佢都好歡迎媒體去監督佢哋，如果報道係事實嘅話，亦會好快去跟進。

李思廉話施工隊內間唔中有啲質素差嘅人唔出奇。