政情：楊振寧守株待愛因斯坦
咪以為淨係青少年至會追星，原來諾貝爾物理學獎得獎者楊振寧教授當年都有追星，但佢個偶像來頭唔細，就係物理學偉人愛因斯坦嘞。楊教授尋日喺浸大同大家分享佢嘅學習經歷，仲自爆一九五四年喺美國普林斯頓大學做研究時一段難忘經歷。
楊教授話當年大家都好仰慕愛因斯坦，但佢去到大學至知道愛因斯坦已經退休，但辦公室仍然喺度，為睹偶像風采，特登打聽愛因斯坦嘅每日行蹤，搞清楚後，佢就帶埋囝囝企喺愛因斯坦嘅必經之路等候，結果皇天不負有心人，最終畀佢等到，愛因斯坦仲同佢囝囝合照添！
佢話想成功，首先一定要發掘同培育個人興趣，正如當日佢喺爸爸送贈嘅物理書中，發現自己對物理有濃厚興趣，之後再鍥而不捨咁追尋，最終獲得成功。
諾貝爾物理學獎得獎者楊振寧教授