政情：陳光明體驗貧窮住籠屋
因為將忍者龜引進香港，令彩星玩具同忍者龜都一炮而紅。身為彩星玩具創辦人陳大河嘅孫陳光明，早前參加一個電台嘅節目體驗貧窮長者嘅生活，畀佢好多衝擊，事後佢執筆寫咗篇逾千字嘅感想，以《漣漪》為題。
喺嗰幾日，佢日頭推住車仔喺街頭執紙皮，夜晚返去連坐都坐唔直嘅籠屋。佢以前經常去做義工，探望貧窮長者嘅，但佢話今次感受前所未有，諗唔到繁華嘅東方之珠背後，仲有一群生活喺如斯惡劣環境嘅長者，令佢「真正體會到痛心嘅感覺」！
佢亦不斷地反思，話長者曾為香港呢個國際大都會付出血汗，老來每天仍要為溫飽而奔波勞碌，實在是匪夷所思，「究竟政府有冇長遠政策解決貧窮老人問題？」
陳光明體驗貧窮長者執紙皮及住籠屋的生活。 （陳光明提供）
