政情：富貴黨青年團老蘭論政

啱啱喺年初成立嘅富貴黨青年團每兩個月會舉行一次黨友聚會，最近禮拜三嘅聚會揀咗喺中環蘭桂坊一間酒吧舉行，共有五十幾位青年黨友參加，到場嘅除咗有「富貴黨鍾嘉欣」之稱嘅靚女歐銘思外，「黨花」方亮瑜都在場。

佢哋專登揀酒吧聚會，都係想喺輕鬆嘅環境盡情論政，不過，講講吓，大家卻忍唔住摸酒杯底講起歐銘思嘅「富貴黨鍾嘉欣」稱號，原來始作俑者係該黨港島支部主席兼東區區議員邵家輝，難怪歐銘思當面詐嬌話多得邵家輝唔少，仲反駁話：「我邊度似鍾嘉欣啫！」

Money18 新功能「18好路數」為你預測心水股票升跌機會率。

歐銘思（左）同方亮瑜兩位靚女，柔化咗青年團血氣方剛嘅形象。