日本發生8.9級大地震同海嘯，令好多香港人提心吊膽。尋晚保良局喺君悅舉行周年慈善餐舞會，仲有兩個禮拜就退休嘅白韞六同太太拍拖到場，佢似乎冇受影響，心情勁靚。籌委會主席暨保良局副主席龐盧淑燕率先捐款擔任鑽石贊助，仲有好多嘉賓捐贈拍賣品同禮品，例如中國四川畫家王亥嘅油畫大作等。
白Sir大爆已度好退休節目，首站仲係暢遊日本添，連機票都訂埋。佢話，佢哋四月中至出發，希望到時日本救災工作已經差唔多。白太亦話唔驚，笑言終於等到老公退休，陪佢手拖手環遊世界。
白韞六話已訂好機票同太太遊日本，即使地震都會如期出發。
候任主席龐盧淑燕同丈夫出錢又出力撐保良局。
