政情：陳詠梅入社區共享基金
唔少政府高官退休後都會幫手做吓諮詢機構公職，同廉政專員湯顯明鬧出官場地下情嘅前入境處助理處長陳詠梅就係一例，佢尋日被任命做社區投資共享基金委員會成員，幫手睇吓社區事務，雖然同佢喺入境處嘅工作冇乜關係，但有新嘗試都唔錯吖！
尋日接到新任命嘅仲有香港迪士尼樂園行政總裁金民豪，以及被視為建仔新星嘅深水埗區議員鄭泳舜等。唔講唔知，社區投資共享基金過去已有兩名建仔成員，包括深水埗區議員陳偉明同離島區議會副主席周轉香，點知依家仲委任多個鄭泳舜，喺審批項目撥款時真係聲都大啲。
不過，鄭泳舜話基金制度有規有矩，而且佢只係希望同其他委員分享自己服務基層嘅經驗，相信對處理涉及基層嘅撥款申請會有幫助。今次仲有一位商界人士獲得委任，佢就係鴻福堂集團執行董事司徒永富。
陳詠梅（左）退休冇耐就有新公職，唔知佢男友湯顯明（右）點睇呢？ （資料圖片）