潮女炒兩轉料賺20萬

【本報訊】iPad 2今日在美國公開發售，本港一名90後「潮物少女」部署詳細計劃及航班行程，飲熱炒「頭啖湯」，一周內兩度赴美聯絡「排隊黨」及提貨，挾近五十部iPad 2即日返港，整批售予內地炒家套回近雙倍現金，旋再飛美提取第二批iPad 2回港炒賣，兩轉港美行預計盈利二十萬元。該潮物少女指出，現時本港水貨市場競爭日增兼租金狂飆，炒潮物近乎無利可圖，正計劃返內地開設潮物商店。

計劃內地開水貨店

現年二十歲的Helene，自中二開始已懂得將本港潮流雜誌寄往外國搵外快，當時月賺二、三千元「零用錢」。「我諗到外國啲後生仔都應該同我一樣，就將啲雜誌放上網寄賣，點知一搞就掂咗。」當時一本在港售十元的雜誌，在美國可售十元美金，幾近是八倍的回報。

這數年Helene再緊貼潮流，由炒波鞋到日本服飾，再到手辦公仔，為她帶來近二十萬元的利潤。○八年她看中iPhone 3G熱潮，年輕人會熱捧，於是親自飛往美國，獲介紹下認識當地「排隊黨」，一口氣購入五十多部iPhone 3G，回港後轉售即賺逾十萬元，成為人生中賺得最多一次的炒賣。其後，iPhone 4、第一代iPad等都照炒賺得數十萬元利潤。

Helene看好內地市場，計劃赴內地開設「潮物水貨店」，「所有蘋果嘅產品已經係潮流象徵，內地仲變成面子象徵，總之我愈快有，就愈有面，我好多客都係咁，唔係點會出到萬五蚊人民幣去買一部iPhone 4呀！」