SUN世代：狀元做示範80後有出頭天

80後常埋怨缺乏機會，陳汝昌並非出身富裕家庭，但他沒有抱怨，明白要改善生活，惟有努力讀書。他是皇仁九優狀元，憑獎學金入讀美國著名大學，畢業後在硅谷發展，曾在Google總公司擔任要職，去年回流返港創業。他的故事，正好說明只要肯努力，80後一樣會有出頭天。

八○年出生的陳汝昌（William），○三年畢業於美國史丹福大學，取得學士和碩士資格。別以為他家底豐厚，其實情況剛好相反，「我出身低下層家庭，父親做三行，已經過咗身，媽媽只係普通家庭主婦。」他有一姊一妹，小時候住沙田臨屋區，後來「上樓」住公屋。

會考九優 謙說好彩

生活環境不好，他沒有多餘錢補習，但自小愛讀書，成績一直名列前茅。「細個讀屋邨小學，靠自己考入皇仁。」每天從沙田跨區上學，他不覺辛苦，反而覺得開心，「皇仁嘅讀書氣氛好好。」中五會考，他是其中一位九優狀元，他謙稱：「我只係好彩，咁啱香港嘅教育制度適合自己。其實填鴨式都唔係完全冇好處，背誦可以打好語文基礎。」

中六那年，他有機會到美國留學，但學費卻是一大難題。「學校有個獎學金由一位舊生設立，每年會揀兩個學生，我係其中一個，當日去見嗰位師兄，佢問完我問題後，問我有冇嘢想問，我就問佢，金額有冇得商量o架？」原來即使William得到獎學金，也僅夠交一半學費，仍然無法完成學業。「最後佢將兩個額都畀晒我！」他至今仍感激師兄的幫忙。

跳槽Google 眼界大開

九八年他到美國升學，最初入讀以電腦科技聞名的卡內基美隆大學，但他對經濟學也有興趣，兩年後考入史丹福，主修電腦科學，副修經濟學。○三年畢業，是全系成績最好的百分之五畢業生。

他留在美國硅谷發展，曾在多家IT公司工作，○四年跳槽到Google總公司，擔任工程師，曾參與多個大型項目。能夠在世界首屈一指的公司任職，令他眼界大開：「公司有好多叻人，係行內公認嘅人才，而且公司文化着重創新，畀員工好大自主權。公司又會定期請人演講，全部都好犀利，例如美國前總統克林頓、前國務卿鮑威爾，大家有好多互動，而且係閉門形式，嘉賓會講好多真心話。」

○七年底他調往北京Google，和太太留在當地生活兩年。「其實內地互聯網發展好好，特別係網上購物，淘寶網、阿里巴巴都好出名，人才同資金嘅條件都唔比美國差。」去年他的兒子出生，心繫香港的他決定回港創業，「我想個仔返香港同親人相處，始終香港先係我嘅家，希望利用自己嘅專業知識同工作經驗，為香港科技界出分力！」

陳汝昌小檔案

年　　齡：30歲

學　　歷：美國史丹福大學電腦科學學士（副修經濟學）及碩士

家　　庭：已婚，育有一子

現　　職：匯賢智庫創會理事、新民黨中央委員會成員

曾任職公司：Google、Neopath Networks（後被Cisco收購）、Oracle、IBM、VMware

文：李嘉怡　攝：吳啟偉