自從羅智成上任台灣駐港機構光華新聞文化中心主任後，積極炮製別出心裁嘅活動推介台灣文化。早幾日佢又搞新意思，喺光華大本營舉行「驚蟄春日潤餅會」春茗，請嚟台灣知名餐廳「欣葉」料理嘅主廚，現場烹製經典閩南食品「潤餅」招呼賓客，連著名音樂人羅大佑都聞香而來，賓客擠得水洩不通。
當日仲有台灣知名嘅南管天后王心心演繹李清照嘅《鳳凰台上憶吹蕭》等曲目，而已故知名作家林語堂大師嘅書房亦被搬嚟香港展覽。林語堂同潤餅有乜關係？因為佢係閩南人，食潤餅係傳統嘛！
羅大佑（左）同羅智成（右）係多年老友，一見面就雞啄唔斷。
潤餅係台灣夜市嘅經典小食。
