陳啟宗預居屋復活
陳南祿由太古跳槽去恒隆做董事總經理大半年，新猷之一係建議恒隆地產主席Ronnie陳啟宗同傳媒見見面、聽聽意見，Ronnie亦從善如流。其實，最多意見當然係Ronnie自己，佢主動打開話匣子，話80後成日怨冇機會，「冇錯，我同陳南祿後生時的確有好多機會，不過依家嘅青年，其實機會仲多好多倍。」佢又話年輕人只要肯走出去，就會發現遍地黃金。
對於應否復建居屋，不時同特區政府抬槓嘅Ronnie話，如果過去十年土地供應做得好，就唔使重推居屋，但以依家情況，都好難走得甩。
至於唔少呼聲要求官員落台，佢認為個別官員落台唔緊要，但全體落台就對大局唔好。邊啲個別官員應該落台呢？佢就冇講嘞！