政情：蘇菲嫌議員哦哦？

呢兩日立法會審議特首及立法會選舉條例草案，辯論超過十七粒鐘都仲未完成，今日分分鐘要傾多十幾粒鐘，兩條草案至可以全部三讀通過。平時好客嘅經濟動力，尋日就請一班要OT嘅人員食滷水鵝飯，唔通佢哋想向一眾議員暗示，幾日嚟都哦哦，等到頸都長仲未開完會，搞到身兼港區全國人大或政協嘅佢哋趕唔切去北京出席「兩會」？

「蘇菲」梁劉柔芬笑笑口咁話冇呢個意思，只係想畀大家試吓佢一個識咗十幾年、開潮州菜館嘅鄉里手勢啫！

Money18 新功能「18好路數」為你預測心水股票升跌機會率

本身係潮州人嘅蘇菲（左）力撐潮州美食。